Við mamma horfðum saman á Dr. Phil í gærkvöldi

Ég hef alltaf verið meðvituð um að móðir mín hefur sérstakt dálæti á dramatískum umræðum. Það kom mér hins vegar á óvart að hún hreifst í alvörunni af þessum ameríska sálfræðingi sem ljóstraði upp innstu tilfinningum 17 ára gamallar stúlku og erfiðri æsku hennar fyrir alþjóð.

Svo þurfti að gera auglýsingahlé því að stelpan gat orðið lítið talað fyrir ekkasogunum. Þá varð mér litið á móður mína sem var farin að klappa með tárin í augunum. Ég vona að mamma sendi honum nú engin aðdáendabréf eða tjái honum ódauðlega ást sína.