Hugsaðu meira

Inga Sól vinkona mín er í Hagaskóla. Núna er hún í prófum og af einhverjum ástæðum völdu kennararnir 50 nemendur úr 200 manna árgangi til að taka prófin inni í sal skólans í stað þess að taka þau inni í stofu. Það er sérkennileg tilraunamennska í ljósi þess að stofurnar eru 30 og bekkirnir 22. Salurinn er óeinangraður og einu ofnarnir eru í loftinu og stígur því allur hiti beint upp úr salnum. Er víst gufuský bæði úr munnum nemenda í salnum og yfir þakinu að sögn Ingu. Ingu rekur minni til þess að hafa verið svo skjálfhent í prófinu að sum svörin lentu fyrir ofan garð og neðan, hún hafði ekki mikla stjórn á hreyfingum sínum svo svörin lentu ýmist á blaðinu eða á borðinu. Vinkona hennar klæddist tveimur þykkum peysum og úlpu í ofanálag í öðru prófinu af slæmri reynslu.

Inga Sól ætlaði að gerast geðveikt lýðræðisleg og kvarta fyrir hönd skólafélaganna. Kennaranum varð þá á orði: ,,Æi, þér hlýnar þegar þú ferð að hugsa."