Nohh. Margt fréttir maður í bloggheimum. Mér heyrist sem Hildur frænka mín sé bara komin með kærasta. Hún er náskyld mér, þ.e. kona pabba míns og pabbi Hildar eru systkin. Kannski ekki svo tengt, blóðið er ekki svo líkt það er að segja.
Það minnir mig á það. 'Eg á alveg einstaklega mikið af ættfólki sem er ekki vitund skylt mér, allavegana ekki jafn skylt og fólk gæti haldið. Önnur systir mín heitir Lilja, ég man aldrei hvað hún er gömul. Hún er dótturdóttir hálfmágkonu mömmu minnar frá fyrra hjónabandi. En hún bjó hjá okkur mömmu í einn vetur þegar hún var í háskólanum hérna á Íslandi. Hún hefur búið í Danmörku síðan hún var lítil fyrir utan þennan vetur. Reyndar bjó ég líka í Danmörku í tvö ár þegar ég var pínulítil og þá voru mæður okkar kunningjar. Hún er mjög skemmtileg systir.
'Eg á líka tvo hálfbræður sem eru tveggja og sex ára. Við eigum sama pabba.

Pétur Eggertsson heillaðist af sögunni um hvernig ég misskildi einhvern tímann Prodigy lagið ,,I´ve got the power, I´ve got the......" og notaði hluta hennar í ljóð á bloggsíðu sinni.

Æ got ðe möntjís,
Æ got ðe lemöneid,
Æ got ðe kúkkíes, ðe krím end ðe lemöneid!
(Sungið við lag Prodigy, Poison)

Þannig var það að ég var á Tálknafirði eitt sinn fyrir löngu að heimsækja vinkonu mína sem dvaldi þar um sumartíma. Þetta var sumarið fyrir 8. bekk. Lagið Poison með Prodigy hafði ómað um ganga allra skóla heimsbyggðarinnar sem voru fylltir krökkum í svalari kantinum.
Þessi vinkona mín var heldur í svalari kantinum og var Prodigy aðdáandi frá 11 ára aldri. 'A diskóteki Tónabæjar vann hún Macarenadans verðlaunin í fyrsta skiptið sem við í fimmtabekk fylktum liði til að djamma. Þetta var í fyrsta sinn sem ég fór á ball, en flestir aðrir höfðu farið með einhverju systkini einhvernt tímann. 'Eg ætlaði fyrst ekki að fara, enda bölvaður nörd sem hlustaði ekki á neitt nema Bach og Chopin, en var dregin með. 'Eg skemmti mér svona líka hrikalega vel og hoppaði og skoppaði út um allt. Þá leit vinkonan á mig og glotti, síðan sneri hún sér að hinum stelpunum og sagði:,,greinilegt að Ugla hefur aldrei farið á diskótek áður." Svona athugasemdir átti hún nú til og þær margar.
Þess vegna hlaut mér að þykja vandræðalegur misskilningur minn á Poison, uppáhaldslaginu hennar. Eins og ég sagði áðan vorum við á Tálknafirði og reyndum eftir mesta megni að vera kúl. Einhvern tímann vorum við svo að syngja lög sem hæfðu unglingum og ég þrumaði út úr mér:,,I´ve got the power - I´ve got the LEMONADE, I´ve got the power - ve got the LEMONADE."