Ég er búin að vera að lesa Snorra - Eddu í dag. Í gær las ég íslenska málsögu það var ógeðslega gaman, um leið og ég er búin í prófum birti ég hér yfirlit yfir Indó - Evrópsku málaættina, þess má til gamans geta að ég kann kortið yfir tungumálin utanbókar núna. Þess má til gamans geta að ég komst að því í dag að það verða um það bil þrjár spurningar úr málsögu á prófinu. Ég vona samt að það komi ritgerðarspurning um þetta, þá myndi ég nú skemmta mér! Héðan í frá ætla ég að lesa skólabækur á skólatíma.
Ég mæli samt eindregið með Skáldskaparmálum úr bók sem heitir Snorra - Edda. Þar lesiði m.a. um konur sem drepa syni sína fyrirvaralaust og gefa svo konungsbornum eiginmönnum sínum hjörtu sonanna steikt til átu. Það er líka svo skemmtilegur munur á því hvernig fólk síðustu aldirnar skrifar sgurnar. Á meðan Halldór Laxness skrifar 50 blaðsíðna frásögn um kindaleit þá verða kynslóðaskipti í Snorra - Eddu á hálfrar blaðsíðu fresti.