Þeir sem ég elska mest í lífinu eru þeir Jökull og Sindri af því að þeir bjuggu til nýtt kommentakerfi fyrir mig.
Í morgun fór ég í frönskupróf. Það gekk bara ágætlega held ég, ég veit um tvær villur. Ég skrifaði ótrúlega fyndna sögu í ritunarkaflanum. Þegar ég var búin í prófinu labbaði ég hem og í gegnum bæinn. Ég kom óvart við í kosningamiðstöð VG á leiðinni heim og ég hitti einhverja sem ég þekkti. Ég var spurð hvort ég vildi ekki fara að dreifa bæklingum. Það vildi ég nú og fór upp í Kringlu og dreifði bæklingum eins og óð kona ásamt fleirum. Það voru þarna fjórir básar, xu, xs, xb og xd. Mörður Árnason er, eins og margir vita, í framboði fyrir xs. Ansi fannst mér það nú leiðinlegt því ég kann eitthvað svo dæmalaust vel við þann mann. Þess vegna afhenti ég honum barmmerki fyrir að hafa gert svona fína orðabók og hann lét mig í staðinn fá barmmerki sem hann var að útbýta.
Ég og Anna Tryggva tókum Maístjörnuna fyrir gesti og gangandi með glæsibrag og þessi flutningur verður hafður í manna minnum hér eftir. Ég gaf líka Geiri H. Haarde barmmerki frá VG en hann hafði ekki mikinn áhuga á að þiggja það. Ef hann gefur út orðabók einhvern tímann ætla ég mér sko ekki að lesa hana!
Ég hef komist að því að ég væri góður votti jehóva. Ég væri mjög aktív í að labba í hús og predika, það sýndi sig í dag.