Ég hef ákveðið að leggja mitt lið í kvenréttindabaráttuna með því að berjast fyrir breytingum í skólakerfinu. Næstu daga ætla ég að láta undirskriftalista ganga um skólann minn sem ég ég ætla svo að senda til rektors með áskorun um að breyta kennslubókunum í íslensku. Þá með aðaláherslu á að útrýma karlkyni úr íslenskri málfræði. Þetta vil ég meina að sé þróun til hins betra þar sem karlmenn hafa framkvæmt flest voðaverk mannkynssögunnar. Horfum til dæmis á Hitler og hans líka, allt voru þetta karlmenn. Ég held að með því að hætta að beygja nafnorð og lýsingarorð í karlkyni, segja t.d. ,,mennan-mennuna-mennunni-mennunnar" í stað maðurinn-manninn-manninum-mannsins, þá muni hryðjuverkum fækka.
Svo með tíð og tíma er hægt að minnka umsvif karlmannsins í samfélaginu. Það vinnst helst með því að niðurlægja hann. Það væri t.d. hægt að neita þeim um nafngiftir, þeir yrðu að sætta sig við númer. Davíð Oddson héti þá 37 í stað fyrra nafns, Jósafat væri 9264 og svo framvegis......