Í dag fór ég með Steinunni nokkurri að spá í lófa á litlum krökkum sem mættu með foreldrum sínum á skemmtun Vinstri grænna í Nauthólsvík. Við vorum ógeðslega innblásnar af spádómsgáfum og voru flestar staðhæfingar okkar á þessa leið:,,Já, þú átt pottþétt foreldra sem hneygjast til vinstri í stjórnmálum", eða:,,Já, þú ert í grunnskóla, er það ekki?". Við vorum sko ógeðslega fyndnar.
Ég komst að því, þegar ég fór í gegnum fataskápinn minn um daginn, að ég á nær eingöngu hóruföt. Ekki það að þau séu ekki flott, en þegar ég hef mikið að gera og hef ekkert þvegið þá hef ég úr mjög takmörkuðu að velja. Sérstaklega ef ég mér er kannski ekki beint hlýtt. Þá er oft það hóglátasta sem ég get fundið einhver gegnsær bolur, svo fleginn að það er 7. Þetta getur verið rosalega pínlegt og bið ég fólk að afsaka ef ég er á stundum glyðruleg í klæðaburði.
Brandarablaðið verður gefið út í sumar og ég vil hvetja fólk til þess að fara á kaffihús á hverjum degi til að leita að nýjasta eintaki Brandarablaðsins. Ef einhver hefur áhuga á að skrifa í Brandarablaðið í sumar, hvað sem er - ekki endilega brandara, þá getur sá hinn sami haft samband við mig eða IRIS the VIRUS. Við erum mjög frjálslyndar og ritskoðum ekki mikið annarra skrif! Nei djók, ef þú ert geðveik/ur og/eða með skoðanir sem við erum mjög mótfallnar og þá er mjög ólíklegt að við birtum grein eftir þig!